ನೋಯುವ ಪ್ರೀತಿ

ನೋಯುವ ಪ್ರೀತಿ

ಕರುಬುವದಿಲ್ಲ ನಾ ನನ್ನ ಭಾವನೆಗಳ ಗಾಳದಲ್ಲಿ
ಅದುಮಿಕೊಂಡ ನಿಶ್ಯಕ್ತ ವೇದನೆಗಳಲ್ಲಿ
ಗೂಡಲ್ಲೆ ಮೊಟ್ಟೆ ಒಡೆದು ಮರಿಯಾದ ಗುಬ್ಬಚ್ಚಿ
ಸಾಧ್ಯವೇ ಅಸೂಯಿಸಲು ಮಲೆಯ ಮಾಂತ್ರಿಕತೆಯ ?

ಕೊರಗುವದಿಲ್ಲ ನಾ ನಾ ರಕ್ಕಸನಿಗೆ
ಅವನಲಿಲ್ಲ ಕಾಲಕ್ಕೆ ಕರುಣೆ
ಕ್ರೌರ್ಯವೇ ಸ್ಥಾಯೀಯಾದವನಿಗೆ
ಅಂತರ್ವಾಣಿ ಕೇಳಿಸುವದದೆಂತು ?

ಮರುಗುವದಿಲ್ಲ ನಾ ನಾ ಅದೃಷ್ಟವಂತರಿಗೆ
ನೋವನ್ನುಣ್ಣದ ನೀಲಕಂಠರಿಗೆ
ಪ್ರಯತ್ನಿಸದೆ ಫಲ ಪಡೆಯುವವರಿಗೇನು ಗೊತ್ತು
ಸೋತ ಯತ್ನದಾ ಗಮ್ಮತ್ತು?

ಮರೆಯಲಾರೆ ನಾನೆಂದಿಗೂ ಈ ಸತ್ಯವ
ಅಸುಖಿಯ ಅನುಭವ ದೊಡ್ದದು ಅನನುಭವಿಗಿಂತ
ಪ್ರೀತಿಯೇ ಗೊತ್ತಿರದವನ ನೋವಿಗಿಂತ
ಮಿಗಿಲಲ್ಲವೇ ನೋಯುವ ಪ್ರೀತಿ?

ಮೂಲ: Alfred, Lord Tennyson